愈大愈靚女 日本女團「Fairies」成員「伊藤萌々香」

lowerpoly

唔知大家有幾信「女大十八變」呢句說話呢，據我個人經驗，當年有幾個生得普普通通嘅女同學，畢業後冇聯絡幾年，偶然喺一個聚會再見返，先發現佢已經變成IG過萬Followers嘅KOL，而且仲要靚到沊一聲。今日介紹嘅「伊藤萌々香」 亦係愈大愈靚女，初出道嗰陣已經同佢個名一樣咁「萌」，之後就愈大就愈靚，最近仲要推出第三本個人寫真。



今年23歲嘅「伊藤萌々香」，2011年以13歲之齡加入日本女團「Fairies」出道，憑著出色嘅跳舞及唱歌能力，好快就成日團內嘅主唱及核心成員，2014年更有機會出solo歌《Poker Face》，並做過一年天氣報導員，直接2015年啱啱好18歲就推出第一本個人寫真《MOMOKA》初試性感。




佢近年就積極進軍演藝界拍劇，其中一部較出名嘅日劇《都立水商！》更有除衫露胸情節（詳細參考最後2張圖），睇到各位粉絲津津樂道。事隔多年，佢喺今年終於推出第三本個人寫真，比起10「o靚」歲嗰陣，依家嘅佢少咗份青澀，多咗一份女人味，展現出成熟性感一面。