清純甜美 日本女星「飯豊まりえ」

lowerpoly

今日介紹嘅「飯豊まりえ」，身兼演員、Model、歌手多個身份，貴為日本潮流雜誌《Seventeen》專屬Model同時又出演過多部日劇及電影...

今年23歲嘅「飯豊まりえ」出道將近13個年頭，早期曾經擔任過過多間雜誌社Model，現時為日本少女潮流雜誌《Seventeen》專屬Model。從2012年開始進軍演藝圈，一開始只係客串《世界奇妙物語》、《未來日記-ANOTHER:WORLD-》入面嘅小角色，後來有機會出演多部日劇及電影，當中較出名有《真的要去航海》、《我們仍未知道那天所看見的花名。》、《花過天晴～花樣男子 Next Season～》等等。經歷多年奮鬥，至今已經攀登到二線女星地位。



除咗醉心於演員事業，佢喺2018年嗰陣就推出首本個人寫真慶祝20歲生日，一向形象清純嘅佢，初拍寫真就以水着及內衣造型示人，大晒誘人性感曲線，嚇到粉絲們又驚又喜。可惜「飯豊まりえ」表示呢本係佢第一本，亦係最後一本水着寫真，如無意外大家都無機會再睇到佢嘅新作了。