華為用iPhone發文賀新年 事後急刪文

kingkong10002

   
               
            
            

點解標題係「2」？因為同樣嘅事三星喺12月發生過，只能說「人類總要重複同樣的錯誤」！今次事件發生喺中國科技巨頭華為身上，日前華為透過Twitter發文慶賀2019年新年快樂，但該文竟然由iPhone發出，事後文章即被刪除，但Cap圖已經喺網上瘋傳。
自去年華為首席財務官孟晚舟被捕後，有唔少中國網民發起抵制Apple唔用iPhone嘅運動，包括立法會議員葉劉淑儀都買返部華為作抽獎之用。但原來現實係華為喺Twitter上發文都竟然係用iPhone，試文叫一班華為支持者情何以堪，好在華為事後都知衰，好快就刪文。
科技YouTuber Marques Brownlee繼上月發現三星尼日利亞Twitter用iPhone發文宣傳後，日前再次被佢發現華為出現同類事後，佢即時Cap圖放上Twitter分享。不過究竟係咩驅使咁多手機生產商都係用iPhone發文，唔通iPhone真係好用啲？