圖︰吳謹言為拍《延禧攻略》多減17磅,原來係靠飲食法!今年中秋節,一班《延禧攻略》演員會同香港劇迷過佳節;其中,飾演女主角魏瓔珞嘅吳謹言亦會現身!瓔珞於劇中要由繡坊小宮女做起,為配合劇情,原本高165cm、重51kg嘅吳謹言,要再減多7-8kg(約17磅),最後以44kg,成為全劇最瘦演員!究竟吳謹言點樣令自己再減磅?開餐之前,不妨參考一下!
堅持「631飲食法」 晚餐吃最少
吳謹言一直都有跳芭蕾舞,2000年更考入北京舞蹈學院附中學習芭蕾舞,因此一直都跟老師指示,保持一定嘅體重;到2007年,吳謹言更分配到中央芭蕾舞團,由於勤於練舞,有一定運動量,佢嘅身材一向都算嬌小。不過要配合《延禧攻略》角色,加上劇中其他演員,如︰「富察皇后」秦嵐、「嫻妃」佘詩曼等都係瘦人,吳謹言只能再減磅配合。
為此,吳謹言用上「631飲食法」,即將一日原本嘅飲食總量平分成10份,早餐可以食其中6份、午餐食3份、晚上只食1份;簡單而言即是不用減食量,只是將要將食物重新分配喺特定時間進食,聽落又好似唔太難實行呀!除咗進食時間同份量有講究,吳謹言喺選擇食材時,亦有要求;例如︰佢堅持食少油、少鹽嘅食物;平日亦少吃肉、多吃菜,並且盡可能減少攝取澱粉質,實行健康瘦身!