玉堂春再世！上海小美女「蘇三」

lowerpoly

   

明朝劇作家(兼才子)馮夢龍筆下最出名嘅一個角色就係「玉堂春」名妓蘇三，據說佢天生麗質、聰穎好學、琴棋書畫樣樣皆通，而且最重要係佢艷麗無比。如果你想知道嗰個蘇三究竟做咗啲咩呢，你可以自己去搵啲京劇黎睇，但我今日就要同你介紹一位活在今時今日，啱啱18歲無耐嘅「蘇三」！
呢位2000年12月26日出世，啱啱18歲幾個月嘅中國少女「蘇三」係百份百嘅中國人，出生於上海，父母都係中國人，但唔知係祖上基因太強大定咩，竟然溝出一個唇紅齒白、水汪汪大眼睛嘅外國公仔出黎，人稱「被上帝親吻過的臉蛋」！
靚都唔緊要、多人Follow我都算啦，最過份係自稱係普通高中生嘅佢深受各時裝品牌喜愛，早前受邀出席紐約時裝騷，又同啲設計師見面又盛咁！18歲就已經黎到呢個高度，過多幾年一定係中國超新星！依家Follow定遲啲你就可以同人講：我老早Follow咗佢啦！