短髮可愛度急升 台藉新加坡空姐 Caroline

lowerpoly

你有拍過拖，而你女朋友又有剪過頭髮，你好有機會面對過以下呢個問題：「你覺得我剪短頭髮好唔好睇呀？」咁你應該點答呀？「我覺得你咩髮型都好睇。」咁你又渡過一劫。好老實講，其實喺男仔嘅眼中，你個人生得靚就長短頭髮都靚；你個人唔靚就有冇頭髮都唔靚。你話真係要搵個分別出黎呢，就係當女仔轉髮型，個氣質都會跟住一齊轉。
好似呢位台藉，但目前因為工作關係而住喺新加坡嘅空姐Caroline咁，本身就係長髮及胸，當時嘅佢大眼晴、嫩皮膚再加少少包包臉，靚唔靚女？當然靚。但佢今年1月1日唔知係因為想有個新開始定咩，竟然剪咗一頭及腮短髮，唔剪尤自可，一剪成個人甜美度同火辣度都直線上升——當然亦都可能同佢剪完短髮後Post多咗泳衣相有關——Anyway，總之就成個人嘅氣質唔同哂，連IG Followers都多咗！但為咗更加準確地判斷係咪真係關剪咗頭髮事，我呼籲佢要Post下啲長頭髮泳衣相出黎，兩邊比對一下先中肯架嘛！