《Stranger Things》女星瘦得過份 有返啲肉仲可愛！

lowerpoly

Netflix神劇之一《Stranger Things》第三季早前開播，相信好多劇迷都好似文青咁用對上呢個Weekend一嘢過睇哂8集！而如果你問我睇完之後有咩感想？我就會答你——放心，冇劇透——Natalia Dyer實在太_瘦了吧！？

Natalia於《Stranger Things》中飾演Nancy Wheeler，係四個小男孩中Mike Wheeler嘅姐姐，又係另一個小男孩Will Byers嘅哥哥Johnathan Byers嘅女朋友(兩位演員於現實中亦係情侶)，簡單啲黎講就估相當多戲份，而且因為佢係劇中唯一後生女(唔係細路女呀下)，所以睇劇時望多佢兩眼係好合理嘅事。但正正就係因為有注意，就會發現佢其實瘦得好緊要。官方數字過1997年出世嘅佢有163cm高、48KG，但睇劇入面佢瘦到幾乎係皮包骨嘅狀態，真係唔知佢有冇40kg。

Natalia Dyer瘦到當年《Stranger Things》第一季開播，外國論壇就討論緊佢係咪有厭食症。睇佢出席各種活動、訪問時著返正常衫嘅相，亦睇到佢身形非常單薄，都唔好講有冇身材(答案係冇)，連健唔健康都成問題！網上仲有人搵到佢細個嘅相，其實塊面有返啲肉即刻靚好多！真係希望佢食返多啲嘢，健健康康啦！