外國MK文學？美國模特兒Kari Riley

lowerpoly

為大家介紹返美國模特兒Kari Riley！表面上睇，你會以為佢只係一個普通靚女模特兒，金髮藍眼白皮膚、可愛五官中等身材係幾養眼，而且睇落去仲幾有氣質。但原來除咗做Model，Kari仲有個興趣就係寫詩，仲為自己嘅作品開咗個Instagram。
以佢本身有成23萬Followers黎計，第二個帳戶有返一萬幾千好合理呀係咪？但由2月5日開到依家，呢個Instagram係得467個人Follow，分分鐘你個IG都多人過佢。點解靚女都咁唔吸Like？首先係呢個帳戶真係「純文字討論」，完全冇Kari個樣；其次就係唔知係我英文差定佢寫得太高明，啲詩隻隻字我都明但就係唔明佢講乜鬼！所以我建議大家唔好浪費時間，目標為本，淨係J佢個主account好啦！