任正非：華為百分百無後門 唔能夠未審先判

kingkong10002

其實華為有無後門真係無人知，不過醫院有後門後果就非常嚴重！講返華為創始人任正非噚日喺深圳，與《福布斯》著名撰稿人 George Glider 及美國《連線》雜誌專欄作家 Nicholas Negroponte 進行咖啡對話。席間任正非指出，華為百分之百無後門，並願意與全世界國家簽訂無後門協定。
華為創辦人兼 CEO 任正非表示，喺網絡安全方面華為喺170個國家證明係安全嘅，而且無乜試過癱瘓，證明係網絡安全。佢提及，好多國家嘅領導人都與自己談及簽署協定嘅事，但呢啲國家提出要所有網絡設備供應商都簽訂無後門協定，所以通過難度大。
任正非續指出，華為如果與一個國家簽訂合同後，就會拎範本畀大家睇，表示「華為係敢簽約，保證係無後門，並敢於承擔呢個責任。」