圓臉好唱功 Morgan Harvill

lowerpoly

同其他地方相比，香港嘅藝人有一個特色，就係通常都只能做好一樣嘢：唱歌好嘅演技就麻麻地，演技好嘅跳舞可能又麻麻地，唱歌跳舞都好就可能個外型麻麻地，樣樣都做得好嘅就已經上咗神檯唔使做。但外國唔知係人多啲定咩，樣樣都唔錯嘅Artist都不在少數，好似呢位Morgan Harvill就係其中一個啦！
Morgan雖然唔係出演過好多電影，但都算係一個喺IMDB有自己專頁嘅年輕演員，而佢同時亦係一個有32.5萬Followers嘅網紅，佢Instagram嘅自我介紹「I post my voice & my face」就明確地指出佢嘅特點。睇佢喺Instagram上Post嘅片，仲要真係唱得幾唔錯，再加上塊(雖然包咗啲)都算甜美可愛嘅臉蛋，同頗為豐滿嘅身材，都稱得上係面面俱「圓」！又做戲又唱歌又好睇，話唔知會成為一代巨星喎！