SEGA將推4款2020 東京奧運遊戲 Mario及超音鼠將年底登場

Radiata

            
               
               
            
          SEGA日前宣布，由今年2夏季開始至2020年間，將推出共4款「2020 東京奧運」官方授權遊戲，遊戲平台涵蓋PlayStation 4、Nintendo Switch、街機及手機平台iOS與Android。其中最受歡迎遊戲一定係《MARIO & SONIC AT THE OLYMPIC GAMES》，因為當中包括咗SEGA嘅超音鼠及Nintendo嘅Mario。


由SEGA製作嘅「2020 東京奧運」官方授權遊戲一共有4款，首先喺2019年夏季於日本、亞洲地區於PlayStation 4及Nintendo Switch平台推出嘅專用遊戲為《2020 東京奧運 THE OFFICIAL VIDEO GAME》(其他地區為 2020 年)；緊接喺2019年冬季於Nintendo Switch上推出嘅係《MARIO & SONIC AT THE OLYMPIC GAMES》。

其餘兩款為2020年推出嘅街機專用遊戲《MARIO & SONIC AT THE OLYMPIC GAMES– ARCADE EDITION》；及iOS與Android平台專用遊戲App《索尼克 奧運 東京 2020》。