【長腿冇得輸】明日花引退AV界刺激人氣

lowerpoly

日本AV界天后明日花綺羅忽然宣佈從良，現在已唔再剝光豬，轉型穿衣以時尚名人自居，最近連香港歌手泳兒的派台新歌亦叫《明日花》，退出AV界後人氣不跌反升。

明日花早前趁30歲生日出影集《neo nude…》教扮靚，更動用私伙配合拍攝，書中最貴的名牌靚裙就達400萬日圓（28萬港元），由於出版後反應不俗，近日她親自宣佈新書加印喜訊，下月20日將到澀谷HMV開見面會報答Fans。

明日花的Twitter帳戶已累積104萬人追隨，而她的個人品牌Whip Bunny同樣深受歡迎，明日花靠人工靚樣做生招牌，見其官網已有大量貨品賣斷市，近日又親自擔任Model拍全新廣告，標榜性感晒小蠻腰，一雙長腿更加是冇得輸。