日韓緊密合作！ 混血美女「やっちん」

lowerpoly

      

            

如果有留意下國際消息就會知道日本同韓國呢兩個地理位國極近嘅國家，關係其實非常複雜。首先歷史上兩個國家就已經非常多仇口、近年經濟上要爭、海中心某堆石又要爭；但同時喺文化層面佢哋又好多交流，Kpop喺日本大行其道，又有唔少日本女仔(如宮脇咲良)去咗加入Kpop偶像組合，所以你話如果佢哋兩個國家可以黎個緊密合作，個成果會幾咁吸引呀！唔信你睇下呢位「やっちん」！
冇錯，上面講咁大堆嘢其實都係想帶出「やっちん」係一個日韓混血兒！「やっちん」係過去半年日本網絡界嘅一位超新星，翻查紀錄，佢舊年8月都只係得四千Followers唔夠，但到依家已經有8萬Followers，其中今年一月更加一嘢多咗16000個，旋即成為知名網絡美女。但或者係因為成名太快，所以關於佢嘅資料其實相當有限，真名、經理人公司、過往經歷全部唔知，唯一知道就係佢係混血兒，今年24歲，同身高167cm。不過以佢呢個身材樣貌，相信佢好快就會走入主流媒體，到時大家就可以更加了解佢啦！