Apple疑開發第7代iPod Touch 新iPhone改用USB-C接口

kingkong10002

   

數數手指Apple上一代推出嘅iPod Touch已經係4年前，不過近日嚟自日本網站《Mac Otakara》嘅消息指，Apple正在開發第7代iPod Touch，希望刺激Apple Music及App Store嘅服務收入。同時，仲有消息指今年推出嘅新iPhone將會棄Lightning，改用USB-C接口。
日本網站《Mac Otakara》引述喺CES 2019中幾間Apple零件供應商來源指，Apple正開發緊第7代 iPod Touch，希望新iPod Touch可以成為Apple Music等服務嘅入門產品，並藉此擴大Apple Music及App Store嘅服務收入，而新一代iPod Touch相信主要針對尚未擁有智能手機嘅年輕用戶。
另外，亦有消息指出Apple正在考慮將下一代iPhone接口改變，由目前嘅Lightning接口轉用USB-C接口。相信Apple呢個舉動都唔係無可能，事關去年新推出嘅iPad Pro採用咗USB-C接口，不過距離新iPhone推出仲有一段時間，仍有可能出現變數。

mmpleaser

Had an Ipod that not used for ages.
Why keep another old tech when Smartphone will do?

Wonder what is the benefit of C vs Lightning.  Lightning is smaller and proprietary by Apple.  Thought they both are the same.