深田恭子拍拖兩個月 今年嫁入豪門有希望

lowerpoly

36歲嘅日本女星深田恭子被封藝能界黃金剩女，雖然身邊不乏觀音兵，但係多年來都只係拍散拖，同龜梨和也傳出多年嘅姐弟戀最近被指無疾而終，女神新歡係現年41歲嘅地產大亨杉本宏之，日前有報道指兩人秘密發展兩個月，並已在新年期間見家長。

深田恭子同有米新歡嘅緋聞曝光後，事務所發言人卻作出否認，只回應：「二人只係食過吓飯，並沒有其他關係。」不過知情者表示，深田恭子已向公司交代戀情，由於兩人嘅年紀唔輕，當然會考慮對方為結婚對象，有指如發展順利，深田恭子將於今年內嫁入豪門。

杉本宏之係日本大企業SYLA HOLDINGS老闆，旗下七間公司嘅營業額達200億日圓（約14億港元），事業有成被形容係城中筍盤。