三星Feb20舉行發布會 Galaxy S10系列及摺疊手機將登場

kingkong10002

               
               
            
            

三星正式喺Twitter上宣布，將會喺2月20日於美國三藩市舉行發布會，而喺Twitter上嘅圖片用上「10」字，相信今次發布會將會推出Galaxy S10系列智能電話。而消息指，三星將推出5款型號嘅Galaxy S10系列電話，以及去年預告會推出嘅全功能版摺疊智能手機。
相信大家都仲記得上年11月三星喺美國三藩市舉行嘅開發者大會中，三星資深副總裁Justin Denison喺西裝袋內拎出一款7.3吋可摺疊智能手機原型。而消息指，今次發布會將會推出呢部摺疊智能手機嘅全功能版。
另外，三星亦將會喺發布會推出Galaxy S10系列機型，據了解當中包括S10 Lite、S10 Edge、S10 Plus、S10 5G版本等5個型號，螢幕Size涵蓋5.8寸、6.1寸、6.4寸、 6.7寸等。其中5.8寸版S10將採用側面指紋識別，而其他S10將採用超聲波螢幕指紋識別。