台灣攝影師Yung Fakker開展 有美女真人陪睇！

lowerpoly

呢個世界有咩職業識得最多Model、明星、美女？你可能會以為係我呢啲編輯——我都想，但我可以用條命擔保真正吃香嘅職業係攝影師，尤其係嗰啲情色攝影師，在工在私都不知睇幾多嘢！但你又唔使羨慕呀，若然你睇相睇到心有不甘，你依家都可以有機會近距離接觸一眾Model啦！
早於兩年前我哋就曾經訪問過台灣情色攝影師Yung Faker，而黎緊12月中佢就會於台北東區舉行攝影展，展出多張與台灣辣模Joanna子涵、著名直播主沈琪琪77、以及Emma艾瑪、素人李薇合作拍攝嘅性感照片，更會同台灣成人娛樂公司「宇宙計劃」及街頭品牌ON-AIR一齊合作推出四位美女嘅寫真同服飾——但老老實實呢啲都唔係重點，重點係只要預購寫真集就可以成為VIP，到時喺場中可以同四位美女同場開Party，仲要酒水任飲！台北又唔係遠！大家唔好錯過呢個機會呀！
Yung Faker 其他作品
咁當然，如果你只係咁啱去開台北，就算唔買寫真集有時間都好應該去睇下。因為Yung Faker嘅作品一向都充滿色氣，絕對係各位男士「洗滌心靈」嘅良好教材！更重要嘅係以香港嘅氣氛，搞到呢啲展覽嘅機會微乎其微，有得睇就緊係要去開下眼界啦！