明抽暗寸 馮盈盈 戰衣似夜總會制服

rockypin

• 
• 
  
  
  

經常語出驚人嘅前港姐冠軍馮盈盈喺今年台慶夜，以一條低胸兼兩側全透視嘅長裙示人，艷壓全場！受訪時，佢就話條裙喺以色列運嚟，係大品牌，好多人爭，仲自爆為求最佳效果，索性豁出去唔着底褲上陣。事後，唔少網民都讚盈盈嘅造型又靚又索，有人仲特登上淘寶搵件同款過吓癮，點知就發現有條8成似嘅裙，仲200蚊有找㖭！不過問題係，喺簡介上竟註明「2018新款酒店夜總會小姐工作服」等字眼，真係睇見都老尷！好在盈盈冇介意，噚日仲喺社交網留言：「想以一個新鮮突破的造型來祝賀，也想挑戰自己，突破框框再出發……」又Hashtag「唔試新嘢」、「我唔悶你都悶啦」，思想果然好開放！