被問及iPhone受到中國監聽 華春瑩建議: 用華為手機

Radiata

      

            

近嚟泄漏資料以及詐騙事件頻頻發生，除咗有金管局推出嘅快速支付系統「轉數快」俾人快速轉走10幾萬，再有「因航」泄漏900幾萬客戶資料。而大家成日用嘅電話都有可能會中招，日前有記者問及美國總統Donald Trump嘅iPhone受到中國監聽，中國外交部發言人華春瑩就大膽建議佢使用中國品牌華為手機，大家又會唔會避受監聽，採納建議轉用華為呢？
事件始於《The New York Times》喺10月24日嘅報道指出，有幾位匿名美國現任及前任官員表示，Donald Trump用自己嘅一部無加密iPhone手機打電話畀朋友傾電話時，有中國間諜「經常監聽」。同時，Donald Trump嘅助理都曾經多次警告佢，自己嘅電話並唔安全。
喺日前中國外交部例行記者會上，CNN記者就以上事件提問，而發言人中國外交部華春瑩貫徹一向作風，一口氣講咗三個建議，第一係《The New York Times》應該知道發表類似報道只會多一個做fake news嘅證據；第二就係重點，如果好擔心iPhone被竊聽的話，可以改用華為手機，同時在場記者都不禁笑出聲；而第三，佢建議為絕對安全起見，可以停止使用任何現代通訊設備，斷絕與外界的所有聯繫。

mmpleaser

This is so FUNNY, I got almost all smartphones Huawei, except for one ONE PLUS.
Support Chinese phones.