甜美火辣啦啦隊員 Natalie Gibson

lowerpoly

            

喺香港嘅啦啦隊，大多都係拎住兩個啦啦球喺到揈揈下，唔算難睇但同時又唔算搶眼；但喺美國嘅高中以至大學，啦啦隊(雖然都係會持住兩個啦啦球)通常都係雲集成間學校嘅靚女，而又再加上外國啦啦隊有好多翻騰拋接嘅動作，對於隊員體能要求極高，所以佢哋又會操到好Fit——實在有幾Fit？睇睇呢位Natalie Gibson就知！
Natalie今年21歲，喺高中同大學時都係啦啦隊成員，你睇佢呢個樣同呢副身材都估到佢一定係好多男同學嘅女神。讀書期間佢亦參加過幾個小型選美並取得唔錯嘅成績，促使佢停學專心經營自己嘅社交網站，憑佢甜美嘅樣子以及凹凸有致嘅身材，至今已經係一名擁有接近50萬Followers嘅人氣網紅，喺外國著名討論區Reddit上更有只係討論佢嘅專頁，成績相當不俗。
值得一提嘅係Natalie總共有九兄弟姊妹，而且除咗一個哥哥之外其餘全部都係女！你話如果個個都有Natalie咁靚同咁好身材，都唔知個哥哥每日點過！