DoCoMo推出超薄「卡片手機」 厚度只有5.3mm

kingkong10002

               
               
            
            

日本除咗致力推出超薄安全套外，噚晚日本電信商DoCoMo亦推出咗只有5.3mm厚度嘅全球最薄智能電話「卡片手機(カードケイタイ)」，手機大小只有一張信用卡咁大，而功能包括簡單上網、短訊、通訊錄、日曆及筆記本等，並支援4G及Wi-Fi上網。
DoCoMo推出嘅「卡片手機」由Kyocera開發，厚度只有5.3mm及重約47g，而手機螢幕亦只有2.8吋，係全球最輕薄嘅智能電話。點解呢部機可以造到咁輕薄？因為手機螢幕採用咗E-ink觸控螢幕，除咗令手機更薄外，喺靜止狀態手機完全唔會消耗電力；不過E-ink都有佢嘅缺點，就係螢幕反應非常慢，解像度只有600 x 480，亦只能限顯示黑白顏色。
呢部「卡片手機」雖然又輕又薄，但功能上有唔少限制，除咗以上缺點外，佢亦無相機功能及無法下載Apps。不過DoCoMo的社長吉澤和弘就指出，「希望擁有易於攜帶嘅簡單手機呼聲有好多」；筆者認為作為後備機都係唔錯選擇，始終備用時間長及非常輕薄。
「卡片手機」將於今年11月底推出，而用家必須使用DoCoMo網絡先可以購買手機，如果簽約24個2GB Plan計算，可以用零機價得到手機，每月為約241.6港元。

arthurs

Since people can watch porn on mobile phone, the phone can only get bigger and bigger, never smaller.