AZN747

 找回密码
 立即注册
搜索
查看: 746|回复: 0

文詠珊演王語嫣冇仙氣? 歷代神仙姐姐大比拼!

[复制链接]
发表于 2018-10-6 23:53:20 | 显示全部楼层 |阅读模式

      
圖︰文詠珊演王語嫣被指冇仙氣,究竟同歷代王語嫣有幾大分別?

金庸嘅《天龍八部》過去已經拍過5次,今年內地宣佈再翻拍此劇,大家當然關注劇中嘅主要角色會由何人飾演!據知,劇組已選定楊祐寧演男主角蕭峰﹑白澍演段譽則﹑而女主角王語嫣則由文詠珊飾演,《延禧攻略》飾演爾晴的蘇青會演阿朱;不過文詠珊演王語嫣,就被質疑「冇仙氣」。
金庸筆下嘅王語嫣,清麗脫俗﹑端麗無雙﹑溫和嫻雅,又有「神仙姐姐」之稱;而歷代飾演過王語嫣嘅女演員,唔少都氣質出眾!

陳玉蓮
1982年的《天龍八部之六脈神劍、虛竹傳奇》,是TVB電視劇中的經典,此劇歌曲《兩忘煙水裏》和《萬水千山縱橫》,到如今仍廣為人知!此版本的王語嫣由陳玉蓮飾演,劇集推出後更深受觀眾歡迎,皆因陳玉蓮夠「仙氣」,將王語嫣嘅清純樸素、嬌媚冷艷都可以演繹出嚟,連金庸都大讚佢係「最真的王語嫣」!

宋岡陵
1999年嘅台灣版《天龍八部》,由宋岡陵飾演王語嫣。宋岡陵一出道就成為台灣中視當家花旦之一;雖然佢演出王語嫣時已經34歲,但宋岡陵勝在出身書香門第,樣貌甜美、氣質出眾,都可以靠「仙氣」取勝!

李若彤
至1997年,TVB再開拍《天龍八部》,改由李若彤飾演王語嫣。李若彤亦參演過《神鵰俠侶》,有「最美小龍女」之稱;佢嘅氣質同靈氣都令人一見難忘!李若彤同陳玉蓮演嘅王語嫣都好受觀眾歡迎,要分高下,都真係唔係咁易。

劉亦菲
2003年,內地版《天龍八部》上映;王語嫣更由當年只係16歲嘅新人劉亦菲飾演。劉亦菲年紀輕輕,但都係「仙氣」之人,佢更因為飾演王語嫣一角,而被人稱為「神仙姐姐」!劉亦菲同陳玉蓮、李若彤一樣,都有演過《神鵰俠侶》做小龍女,其清純形象與仙女氣質令人印象深刻。

張檬
2013年,另一部內地版《天龍八部》上映,王語嫣由張檬飾演。張檬演嘅「神仙姐姐」比較柔婉,將王語嫣對表哥慕容「復求而不得」嘅哀怨,表達得好到肉。不過由於之前演呢個角色嘅演員都仙氣十足,大家對於張檬演王語嫣評價普通,更被指係最老同最醜嘅王語嫣呀!

文詠珊
而今次嘅《新天龍八部》女主角王語嫣由文詠珊飾演;大家公認佢係靚女,但在氣質上,就比之前演同樣角色嘅人多咗現代味同妖魅,所以有人覺得佢更適合演阿紫一角。其實睇返獲好評嘅陳玉蓮﹑李若彤﹑劉亦菲,佢哋除咗有「仙氣」,仲散發住氣質同靈氣,又keep到角色天真爛漫嘅個性!美艷型嘅文詠珊,同佢哋本身就行不同路線,唔知可唔可以靠演出搭救喇!

【睇相比拼吓先!】












回复

使用道具 举报

您需要登录后才可以回帖 登录 | 立即注册

本版积分规则

AZN747

GMT-5, 2024-3-29 04:03 , Processed in 0.037060 second(s), 13 queries .

Powered by Discuz! X3.4

Copyright © 2001-2021, Tencent Cloud.

快速回复 返回顶部 返回列表