近年流行真人版改篇，但真係好睇嘅其實真係少之又少，黎緊被改編成真人版嘅就有外國好出名，但香港知名度唔高嘅兒童向動畫《愛探險的Dora (Dora the Explorer)》，你以為到時又淨係得班父母逼於無奈地帶埋小朋友入場睇？錯啦，至少班爸爸應該會睇得幾開心，因為個真係版Dora幾靚女架！
真人版Dora由Isabela Moner飾演，呢位年僅17歲嘅美國秘魯混血兒曾經出演《變形金剛：終極戰士》、《毒裁者2：無法無天 (Sicario: Day of the Soldado)》等電影，無獨有偶嘅兩個角色都叫Isabela，兩個造型都污污糟糟咁，連樣都睇唔清呀真係。所以大家都估唔到原來乾乾淨淨嘅佢原來都幾可愛，身材仲幾好添！假以時日一定能夠成為獨當一面嘅一線女星！
发表于 2018-9-30 02:22:06
