唔止血小板可愛！白血球姐姐都好吸引

lowerpoly

講到近排最多人談論嘅動畫，一定係要中二有中二要打鬥有打鬥要科普有科普嘅《工作細胞》。你話如果硬要挑剔呢套動畫有咩不足，就係靚女不足，畢竟血小板只能稱得上係可愛，亦唔係個個都對蘿莉有興趣。但《工作細胞》嘅姊妹作，以不健康身體為背景嘅《工作細胞Black》就唔同講法，主角之一「白血球姐」樣靚身材正，連Cosplay佢嘅人都相當吸引！
中國Cosplayer「棗糕-下野病棄療」早前就親身去到日本夏季Comic Market (C94)，以白血球姐姐嘅造形亮相，咩都唔睇淨係睇套衫同個心口嘅起伏，還原度都可謂非常高。而且喺呢啲大型活動嘅相通常都唔會點大執，由此可見「棗糕」本身都係一名靚女黎！唔信？畀多幾張相你做證！