姐姐的魅力！ 年近四十但依然吸引的女星

lowerpoly

           

            

俗語有云，男人四十一支花，女人四十爛茶渣，以往大家硬係覺得女人去到一定年齡就要嫁人生仔，一方面係因為「有仔襯嫩生」，二來亦因為去到四十嘅女人「年老色衰」，再唔嫁就冇人要。不過隨住科技進步、美容技術嘅改善，好多年近四十嘅女星到依家都仲係非常吸引。今日就同大家數一數其中六位「年近四十都未結婚，但依然飲得杯落嘅女藝人！」
1. 陳喬恩 以台灣偶像劇出道，曾經組成過女團《七朵花》，拍下《王子變青蛙》、《命中注定我愛你》等知名劇集。近年轉戰中國大陸，2013年憑《笑傲江湖》中東方不敗一角驚豔兩岸。黎緊都仲有套同「宇宙最強」合演嘅《大師兄》，喺入面做老師呀，真係好想畀佢瘋狂留堂！ 陳喬恩今年原來已經39歲，雖然近年不停傳出結婚消息，但似乎都係只聞樓梯響。其實睇佢外貌真係唔似就係四十，而且陳喬恩出名身材好，呢杯絕對飲得落！
2. 秦嵐 OK我知你班麻甩佬未必知「秦嵐」係邊個，但如果你去問你女朋友、老婆、甚至阿媽，佢就會答到你秦嵐即係近日大熱劇集《延禧攻略》入面嘅「富察皇后」。17歲在中國參加模特兒比賽獲獎出道，2003年被選上喺《環珠格格3》中擔任陳知畫一角，到《延禧攻略》中飾演善良討好嘅皇后，唔覺唔覺秦嵐已經37歲，但你睇佢平時啲相都係少女一樣，呃得下人架！
3. 余詩曼 講起秦嵐，冇理由唔講同樣有份做《延》嘅香港代表佘詩曼。同大家講個故事，文青以前識得一個朋友，因為工作需要經常要出入大台，撞口撞面都係啲花旦小生，咁我哋就問佢咁多個女藝員邊個最正？佢二話不說就話「佘詩曼！」原因？夠嬌嗲！我未有幸見到阿佘本人，但已經43歲嘅佢又的確係保養得宜！
4. 劉心悠 傳說中香港女藝人被稱「BB」嘅始祖，生於台灣，2005年憑《大嫂》出道，十幾年黎個樣同廣東話水平一樣冇變！早排幫大台拍宮廷劇，同「娜姐」周秀娜一齊撐起成套劇嘅顏值，37歲？只係個數字黎啫！
5. 林志玲 「志玲」姐姐嘅吸引力，相信大家過去十幾年都有非常貼身嘅體會，曾經係瘋魔中港台嘅女神級人馬，就算就黎「四十有四」都依然高貴幽雅。咩都唔使講，淨係當你做嘢做到好攰，志玲姐姐用佢把甜聲同你講「加油好嗎？」，你個頭唔即刻彈起呀？
6. 胡琳 嗱呢個真係私心想介紹。第一，佢唱歌真係好聽；第二佢對腳真係好靚，第三；以佢嘅才華，佢絕對值得更多人注意佢！