木村拓哉同太太工藤靜香於2000年結婚,先後誕下兩位千金。細女木村光希轉眼已經15歲,日前更宣佈以Kōki之名出道做Model!第一次登上日本版雜誌《ELLE》7月號封面嘅Kōki,盡得巨星父母嘅優良基因,顏值高、加埋一對長腿,影相時淡定得嚟有氣勢,「巨星二代」果然唔簡單!
首次現身 網民大讚
自兩位女兒出世後,木村拓哉同工藤靜香一直低調,不讓女兒公開上鏡。今次Kōki出道,亦沒有提自己係名人之女,只係喺訪問中提及自己雙眼最有魅力,因為左右兩邊面都分別遺傳了與父母一樣的黑痣:「媽媽的痣在右邊,爸爸的在左邊,我就兩邊都有,我認為這是父母給我的禮物。」 以矚目新星姿態出道嘅Kōki,幾日前仲開埋Instagram,至今已有約39萬名粉絲!不過Kōki喺訪問入面提到,父母教佢唔好同人比較︰「別人是別人,自己是自己。不要與人比較,最重要是相信自己的實力,找出長處、短處,一步一步向前,這是父母教導我的,是我的驕傲。」
|