偷窺女朋友 令人羨慕的法國攝影師

lowerpoly

好多人都以為做文青做編輯可以成日訪問唔同靚女，一定睇得好開心，但其實我可以對天發誓，睇得最多嘢嘅一定唔係我，而係揸機嘅攝影師。尤其當你影得一手靚相，啲女又對你有信心，你就可以影到好多隔住個Mon都令人心癢癢嘅靚相。就好似來自法國嘅攝影師Vincent Amar，佢啲相係咁架！
來自巴黎嘅Vincent喺接受外國網站訪問時指，自己除咗影相有兩個喜好，一係電單車，所以同朋友夾份開咗個電單車車房「Le French Atelier」；第二係女，所以係咁影女兼放上自己嘅IG。Vincent嘅風格偏向自然，經常使用自然光(起碼係扮自然光)作為光源，亦相當著重光線投射到女模特兒身上嘅效果，而且角度大多帶有偷窺感覺，加上冇咩著衫嘅女模特兒，感覺就好似男朋友睇緊女朋友咁。
Vincent指希望透過照片將拍攝時嘅氣份帶到觀眾面前，咁如果你隔住個Mon都Feel到有心動嘅感覺，現場恐怕更加迷人…所以咪話做攝影師先係真正識玩囉！