紅地毯上的「黃道」 Eiza Gonzalez一夜爆紅

lowerpoly

紅地毯一直都係靚女們爭艷鬥麗嘅戰場，如果嗰個仲係奧斯卡頒獎禮嘅紅地毯，要突圍而出就更加難。咁如果你係一個女演員，你又會點搶鏡？打大個心口？個釵開到上格筋底？又或者全身透視有著等如冇著？其實真係唔使搞咁多嘢，著啱色就得架啦。
好似來自墨西哥嘅歌手兼演員Eiza Gonzalez當日就著住一條明黃色嘅貼身長裙現身於奧斯卡紅地毯上。除咗顏色搶眼特別，胸前適當嘅事業線吸引又不俗套，兩脇位置嘅褸空亦有「機心」，貼身剪裁亦盡現佢緊繳嘅身型。高貴大方，又不失活潑可愛，難怪事後外國網民都熱烈談論呢位近年出演過《Baby Driver》嘅28歲美女。
Eiza目前參與緊James Cameron有份執導嘅科幻電影《Alita: Battle Angle》，以及改篇自2010年紀錄片、講述一名記者於失憶後在自家後園以公仔重組失憶前生活的《The Woman of Marwen》(《馬雲的女人》？)。相信大家以後會有更多機會喺大銀幕上見到佢。仲唔夠，咁咪去Follow埋佢IG囉！

Loveyou

真是太美了。