日本「女友」攝影師 Sakitan

lowerpoly

Facebook成日見到好多教人點樣同女朋友影靚相嘅Post，作為一個好男人，其實我哋都已經睇哂、學哂，問題係我哋除咗左手，冇一個人樣嘅女友可以影咋嘛！如果你都面對同一個問題，咁你就可以學下日本攝影師Sakitan啦！
Sakitan都係影「女」，不過佢鏡頭下嘅唔係女「人」，而係一個又一個嘅「Love Doll」，亦即係高級性愛玩偶。有睇我哋之前嘅報導都知依家性愛玩偶已經唔係單單滿足你嘅慾望咁簡單，而且非常像真地有手有腳、可坐可站、用家更加可以自訂佢嘅外貌、髮色、身材、高度，造出一個最啱你心水嘅「女友」。而Sakitan由17年前就已經使用性愛玩偶拍攝，由於玩偶以真人比例製作，所以衣服可以方便地出街買，設計出不同造型及情景，加上玩偶唔會郁，影相時亦更加方便。
Sakitan指自己目前擁有18個玩偶嘅身體及頭部(可以分開買)，其中身體每個要40-60萬Yen(約28000-42000HKD)，頭部就10萬Yen一個(約7000HKD)，保守估計都投資咗幾十萬港紙。至於佢同啲玩偶除咗影相之外仲有冇做其他嘢呢？就得佢先知啦。

hahaitisme

还真是“女友”