今年VS最靚女？ 知性美女Martha Hunt！

lowerpoly

每年嘅Victoria's Secret(VS) 時裝騷都靚女雲集，而且全部都有火辣身材，加上每年都有巨星表演，簡直係賞心悅目。今年嘅VS騷早前就去到中國上海舉行，你問睇完之後有咩得著？認識到Martha Hunt就肯定係其中一個！
Martha係我認為今天「VS天使」中最靚女嘅一個，今年28歲嘅佢早年於家鄉被攝影師發掘，多年黎行過超過180個Fashion Show，係一名經驗豐富嘅模特兒。佢同VS嘅合作始於2013年，2015年正式成為「天使」之一。我覺得佢某啲角度其實同「小丑女」Margot Robbie有啲「神似」，可能因為兩個嘅輪廓都好英氣。
私底下嘅佢其實好文靜，曾經喺一個訪問中話自己會冥想、玩智力遊戲、同埋寫書。仲話自己將來可能會成為一名作家添——唔好啦，你去寫書我哋少咗個靚女睇囉？