TWICE新歌《Heart Shaker》MV

lowerpoly

無論係台灣人身份、初出道時「被道歉」事件、定係出道之後嘅高挑身材蜜大腿甜美笑容，來自韓國女團「TWICE」嘅台灣藉隊員「子瑜」一直都備受港台Fans擁護，甚至可以話係有「無條件」嘅愛。既然係咁，TWICE嘅新歌《Heart Shaker》MV你又點可以錯過呢？
TWICE琴日(11日)於Youtube上公佈咗新歌《Heart Shaker》MV，入面除咗有多位成員以不同造型Shake到你心如鹿撞——尤其係緊身白T恤加牛仔長褲真係令人想將佢哋一次過抱入懷中，難怪公佈唔夠一日已經有1000萬瀏覽，仲成為Youtube發燒影片第一位。而港台Fans著眼點就少不免放咗喺子瑜身上。今次子瑜收起以往出名嘅「蜜大腿」，轉為露出纖腰一樣煞食，更加唔好講佢可愛嘅面蛋。個人覺得最可愛嘅一瞬間就係佢失平衡踏多咗一步之後嘅尷尬笑容！
過往子瑜都有多個可愛造型，你最鍾意又係邊一個呢？