夏菜化身陪酒孃 從演最性感打扮！

lowerpoly

曾經喺2011年真人版《GANTZ》中飾演岸本惠嘅夏菜近排真係好紅！繼早排喺《下北澤Die Hard》中為咗做「理想女友」而色誘男友(兼觀眾)，引起網民注意，今次佢喺朝日同AbemaTV合拍嘅深夜劇《ハケンのキャバ嬢・彩華》中飾演日頭係普通OL、夜晚係「傳說中嘅陪酒孃」一条彩華嘅「御倉花」，仲話係從影以來「最性感嘅服裝」！一齊黎睇下有幾性感啦！
《下北澤Die Hard》
喺《ハケンのキャバ嬢・彩華》中夏菜飾演嘅御倉花，日頭係一個「信用金庫」(即係小型銀行)嘅職員，實際上就係專門幫人解決問題嘅「傳說中嘅陪酒孃」一条彩華。喺第一集中遇到被客人呃錢嘅新人陪酒女郎「舞」(岡本夏美 飾)，為咗幫助佢而換上陪酒女郎服裝，與客人鬥酒——講真個劇情係咪咁我真係唔知，因為我對眼忙住睇靚到傻嘅夏菜呀！
夏菜1989年出世，初中嘅時候就已經加入藝能界，16歲出演《野豬大改造》，中學畢業之後就決心發展演藝事業，但頭幾年發展都麻麻地，甚至要去時裝店做兼職。到2011年於真人版《GANTZ》中全裸飾演岸本惠，自此就開始為人熟悉。中途亦出過水著寫真，身材都幾有睇頭架！
於《GANTZ》中曾經背部全裸出鏡——咦，唔係話《ハケンのキャバ嬢・彩華》係最性感服裝咩？裸體唔計「服裝」咁嚴謹？
又再講返《ハケンのキャバ嬢・彩華》，劇中除咗有夏菜同岡本夏美，仲有天木純、森咲智美、增田有華同 泉はる等人出演陪酒女，第三集仲有大家喜愛嘅三上悠亞客串！咁多靚女，值得留意啦！
森咲智美