挑戰千年一遇 台灣「環奈BB」謝果

hotdog521

為咗方便記憶又好、嘩眾取寵又好，一講到靚女，大家都好鍾意同其他更加出名嘅靚女作比較，甚至叫佢做「新XX」、「__版XX」。不過因為人氣正高，或者深得民心，所以某啲靚女係處於「神檯」位置，Fans會認為任何人同佢比肩都係侮辱。例如結衣BB、環奈BB就係其中之二。不過同樣盛產靚女嘅台灣近期就出咗個「台灣版橋本環奈」，夠膽挑戰「千年一遇」嘅究竟會係咩人？
佢就係台灣新進藝人謝佳芮，目前係一個演員、模特兒兼直播主。平心而論，謝佳芮都係一個好可愛嘅女仔，尤其係身材瘦小，又有一對大眼睛，身材仲要唔錯，都真係會令人產生一嘢抱起佢再瘋狂摸頭嘅衝動。而某啲角度睇落佢同環奈BB真係有兩分相似——但就真係只有兩分，想多都搵唔到。
另一邊廂，我發現佢有啲似後生十年而且靚啲嘅Mean娜，而最恐怖嘅係根據呢個邏輯，即係Mean娜可能有幾分似環奈BB——我唔可以再諗落去啦，我驚我發惡夢。

testing

长得很一般都