每次女仔同身邊嘅朋友講起閨房事,可能大家都會比較怕醜,只係停留係表面一兩句,或者最多都係講下覺得點,未必會好詳細咁討論過程, 又或者到底當中應該做啲咩行動。其實討論閨房之樂係人之常情,而且女仔們如果更了解某一啲實戰守則,就會令床上更加事半功倍,就好似今日以下呢幾點。 1.前戲的重要性
有啲女性成日表現得唔自然,唔知點樣可以令到自己投入啲,其實想令自己可以享受床上每一分每一秒,前戲絕對係好重要嘅一步,因為可以開啟你嘅感覺神經,而前戲越長之後往往會越投入。 2.自信不可少 無論係床上床下,自信都係絕對不可少,有自信嘅女人自然就會散發性感嘅魅力,令男人想佔有你嘅慾望更強。 3.放開自己 女性對於床上嘅事會比較怕醜,可能要求另一半去進行嘅時候要熄燈,或者好少主動挑逗對方,其實係床上女性一定要學識放開自己,兩個人先有火花。 4.唔好扮高潮 為咗要滿足另一半嘅面子,有啲女性可能明明未到都會選擇扮有高潮,其實床上事大家都有份,唔應該係單方面滿足,所以千祈唔好明明冇扮有,將你嘅需要話比對方聽,等對方都學習點樣去滿足你。
|