IG紀錄心情 「Mollyisadolly」

lowerpoly

男人成日好奇怪點解女仔要影咁多張相，你問佢哋就會答你「要記錄生活嘅Moment」，但之後你又會發現佢哋其實只係為咗Up上IG、FB，更奇怪嘅係明明話要「記錄」嗰個Moment，過一排佢又會Delete咗張相，係咪即係嗰個「Moment」突然又唔使記錄？雖然有好多人都真係以紀錄之名黎曬命，但有啲人個IG又真係記低咗佢成長嘅經歷，好似呢位Molly就係啦！
Molly今年23歲，喺佢21歲嘅時候開咗個Blog，入面雖然只有幾篇文，但佢就提到自己以前好唔開心，個人冇咩自信、焦慮、甚至厭食。而如果你去睇返佢個IG嘅舊相，又的確可以見到佢當時啲相嘅院調、妝容都非常灰暗，連個人都冇咁靚。但隨住佢慢慢解開心結，唔單止個人越黎越靚，就連啲相都越黎越色彩繽紛！嗱人哋呢啲就叫紀錄生活啦！睇到都戥佢開心呀！