37歲孫慧雪早前透露有意在40歲再推出一本寫真集，還有3年時間，讓她努力保持美好身段，近日她開始貼出不少性感相，網民都好奇她是否上載舊照呃like，雪雪凌晨出post一次過回應，她指近日有許多網民有疑問，問她是否po舊相，指照片是她在未生B之前影，雪雪回應：「新相嚟㗎！我前幾日影㗎咋！我今年37，就嚟4字頭啦！」
有人覺得雪雪陀B是應該「肥B唔肥人」，她笑言懷孕時體重160磅，而兒子38週出世都有9磅，雪雪稱一個女人想keep一定keep到，她續說：「最常聽到就係有人話，真係好擔心keep唔到、會肥、會盤骨大、胸部會變形……講到好擔心同好似點都返唔到轉頭咁！仲聽到有人話大肚時諗住剩係食菜，因為怕肥！」
雪雪覺得懷孕時應該均衡飲食，「你都唔想佢唔健康或者唔聰明啦！如果係咁，就唔好做媽媽啦，因為做媽媽只會怕一樣嘢，就係BB唔健康」，等生完B先慢慢keep都未遲，「我都年紀唔細，仲有幾年都4字頭，我都keep到」。
发表于 2019-10-31 00:12:56
