又一性感女新人？ Caylee Cowan

lowerpoly

一個行業甚至一個社會要一直發展落去，靠嘅就係前人建設，後人突破，如果一直都只係由前人主導，個發展就會固步自封、青黃不接——你睇依家嘅香港電影就係咁嘅情況，無論佢做戲幾叻都好，你有幾可見過一個廿歲頭嘅新人可以擔正做主角？但美國演員Caylee Cowan就有呢啲機會，而我估計佢嘅機會仲陸續有黎添！
美國加州出世嘅Caylee今年只有21歲，但就已經係今年四月於美國上映嘅《Sunrise in Heaven》嘅女主角，而佢本身亦係一個模特兒，曾經登上多本美國雜誌。不過未睇過佢部戲同啲雜誌都唔緊要，因為你睇佢個Instagram一樣可以理解到佢有幾正！一副豐唇性感誘人、玲瓏身材凹凸有致，更重要嘅係佢啲相仲好大方！相信只要有機會嘅話，佢嘅演藝事業絕對可以再進一步！