靚到被人抄 元．地下偶像「ましろまゆ」

lowerpoly

陳奕迅有首歌叫《防不勝防》，歌詞係講好鍾意某個人，鍾意到明明分咗手都於深夜「到訪」佢家中，幻想自己同佢非常親近，簡單啲黎講就即係「有病」。但你又唔好以為呢種病只係出現於假想之中，日本有位偶像「ましろまゆ」早前遇上一件令人心寒嘅事，就係有人照抄佢個IG嘅內容！
ましろまゆ係日本地下偶像團體「迷愛へるぷ！」嘅前成員，眼大大咀細細嘅佢睇落相當可愛(係啲相唔知做咩Tune到咁白成隻鬼咁)，男人見到佢當然開心，但原來同一個事務所都有個「偶像后輩」非常迷戀佢，迷戀到ましろまゆ於社交網站上Post啲咩，呢位後輩都會Copy and Paste咁跟到足——留意返，唔係偷相咁簡單，係ましろまゆ買咗支唇膏影咗張相，個後輩都會即刻買一支影返張相同嘅相。而跟據ましろまゆ所講，呢位後輩由個人物品、社交網站嘅個人資料、指甲款式，甚至家具都抄到十足十，令佢心寒之餘亦非常困擾，向公司反映無助後唯有報警解決。
どのへんが真似じゃないのか教えてほしい pic.twitter.com/kxHB4knFDv — (@babymsrr) 2019年3月19日
ましろまゆ呢個樣貌，有人深愛甚至迷戀佢其實都係好合理嘅事，但迷戀到咁嘅地步，又真係幾得人驚！咁你話作為一個黎睇女嘅男人，可以從中學到啲咩？咪就係學到唔好咁變態囉！

dragondick

呢條咖妹瘦兼化妝到似臘像，真肉酸!