Apple Watch正式推出OS 5.1.2更新 限定地區心電圖功能同時上架

kingkong10002

               
               
            
            

早前我哋預告過Apple Watch Series 4將會喺新軟體Update推出ECG心電圖功能，而今日WatchOS 5.1.2正式推出咗，指定地區嘅用戶可以手指放喺數目錶冠上，從而量度出用戶嘅心電圖。ECG心電圖功能經過美國食品藥品監督管理局(FDA)批准，而香港嘅用家就要仲要等吓喇。
Apple Watch Series 4新推出嘅watchOS更新帶嚟咗焦點新功能ECG心電圖，用家可以透過以手指按壓錶冠，就可以使用全新嘅ECG心電圖檢查功能。目前功能只適用於關島、波多黎各、美國及英屬維京群島等地。
而FDA就提醒用戶，Apple Watch嘅心ECG心電圖功能只供參考，22歲以下人士更唔應該使用，並強調用戶絕對唔可以單憑手錶上嘅心電圖作醫療判斷或調整服藥份量，任何情況都應該搵合資格醫生查詢。
另外，Apple同時喺今日推出咗兩條關於Apple Watch救人嘅Real Stories影片，其中第一條影片Apple Watch各種救人嘅可能性，例如條中嘅一名 13歲男孩發現自己嘅Apple Watch警告佢心率加快至每分鐘150次，而佢嘅父親就隨即打電話去醫院。
由兩條片嘅故事都可以發現，Apple Watch嘅偵測心率及通知功能可以發現到好多潛在疾病可能性，相信Apple Watch新推出嘅ECG心電圖功能可以幫到更多用戶。