各位快上馬！ 豐潤少女馬場富美加

lowerpoly

      

講起日本寫真女星，馬場富美加絕對不得不提。想當年MenClub個Facebook仲每朝Post緊「Morning Girl」清涼寫真之時，馬場富美加嘅出場率真係非常高，一來係因為佢真係又靚又正；二來係大家都覺得佢又靚又正，啲Like都比得爽手啲；三來係佢無論點影都係咁靚咁正，搵相都易啲呀！
馬場富美加自少年時就已經加入兒童劇團，14歲時被發掘成為模特兒，2014年參演《幪面超人Drive》而成為一代少年偶像，往後幾年均活躍於寫真及模特兒界，憑可愛面容、均秤身材及167cm身高成為其中首屈一指嘅人物，亦係呢段時間留下好多令人不停回味嘅靚相。
不過對好多日本女藝人黎講，拍水著寫真從來只係累積人氣嘅過程，佢哋嘅最終目的都係進軍電視、電影，「上岸」後大多就會「封胸」。馬場富美加亦唔例外，淨係2017年佢已經參演咗六部電視劇，當中更包括由山下智久、新垣結衣、戸田恵梨香等人主演嘅《Code Blue》，令其人氣再上一層！最新作品就係漫畫改篇嘅深夜劇《深夜的奇葩戀愛圖鑑》，飾演主角之一嘅毒舌黑長直25歲處女「古賀円」！
既然演藝之路踏上正軌，個心口自然又收得埋啲，近年馬場富美加都冇再出現喺少年雜誌之上，好彩早排《週刊Playboy》又搵佢拍返，唔係真係肥咗瘦咗我都唔知！圖片亦證明即使露出度大跌，馬場富美加依然好鬼吸引！