「滑」時代的未來安全套

Radiata

      

            

安全套一直被認為係除咗禁慾之外最有效嘅避孕及預防性病方法，但有效還有效，啲人想唔想用又係另一回事。唔想生仔但又唔想用嘅原因有好多，但對大部份人(尤其香港人)黎講，真正嘅原因其實都只係因為「唔舒服，唔想用」！可想而知只要能夠解決「快感」嘅問題，相信會有更多人願意使用安全套，減低計劃外生育及患上性病嘅機率。而Bill Gates及其夫人成立嘅「Bill and Melinda Gates Foundation」於2013年就呼籲團體提交「安全套改善計劃」，再提供10萬美金研究經費畀佢哋進行研究，到近日終於有突破「性」嘅發展啦。
美國波士頓大學嘅研究團體發明咗一種可以「自行潤滑」嘅安全套，希望能夠改善普通安全套嘅使用觸感。其實現時一般安全套都有加入潤滑劑，但隨住開封時間、活塞運動以及雙方體液洗刷，潤滑劑好快就會流失哂。而波士頓大學就透過改善乳膠(安全套主要物料)表面，令其與水(或體液)接觸後表面變得滑溜，令男女雙方感覺都更為真實，而且有效時間長達「前後活動1000次」，比起一段水性潤滑劑「持久」一倍，相信足夠一般人使用。
呢個新款安全套有幾個好處，第一，波士頓大學嘅小型研究顯示，73%受訪者認為新款安全套比起傳統安全套更為優勝，顯示新款嘅感覺比起傳統更好；二來亦更能確保安全套於「活動」時長期保持潤滑，減輕因為磨擦而產生嘅不適以及導致安全套破損嘅機會，令性愛更加安全。有關技術將會於下年開始進行臨床試驗，若然結果真係有效，到時大家或者就唔需要於「安全」及「爽快」之中作出取捨啦！

Martint51

This is why we love science...

6113526

科技的力量啊

biguncle

投入到市場中，估計還要一段時日。。。