Facebook推智能硬件裝置 鏡頭追住你走

kingkong10002

            

今時今日Facebook嘅Messenger，甚至係佢旗下嘅Instagram都可以做到視像通話，究竟Facebook今次新推出嘅硬件裝置「Portal」有啲咩特別？佢除咗配備廣角鏡可以能夠進行視像通話外，鏡頭仲可以跟住用家移動及縮放變焦，同時佢亦係一個智能喇叭。
Apple、Amazon及Google等美國科技巨頭都分別推出咗唔同嘅智能喇叭，而Facebook都似乎睇到呢方面嘅潛力，即將推出名為「Portal」嘅智能硬件裝置。佢喺待機時會變為電子相架，並自動播放使用者嘅照片、影片，仲會提醒Facebook好友生日及活動等。
當然佢有別於市場上一般嘅智能喇叭，「Portal」機身所配備嘅廣角鏡可以自動調整影像範圍，喺視像通話中會追住使用者跑，方便使用者唔駛手動調整鏡頭，假如煮緊嘢食就會非常方便。如果用咗嚟監控就會非常可怕，不過唔駛驚，唔用嘅時候可以蓋起鏡頭，仲可以閂咗咪高風嘅實體按鈕。
「Portal」同其他智能喇叭一樣，都可以播放Spotify等串流音樂，或者查問天氣等，而10吋螢幕版本售價為199美元，15.6吋螢幕版本售價為349美元。

rocus5

可是如何能保证privacy呢？刚刚290m用户资料被泄露。