又係因為時間轉換出現問題！新推出嘅Apple Watch Series 4今次新加入咗Infograph錶盤，但亦因為咁產生問題。一個嚟自澳洲嘅新Apple Watch用家表示，因為啱啱經歷咗夏令時間嘅變化，所以時間會調快1小時，但手錶嘅Infograph錶盤似乎無辦法正常運作，令Apple Watch陷入無限Reboot狀態。
據了解，一位嚟自澳洲嘅Apple Watch Series 4用戶對新加入嘅Infograph錶盤非常不滿，因為新Apple Watch喺調整夏令時間後陷入不斷重新啟動嘅狀態。其實今次新Apple Watch採用嘅Infograph錶盤最多可以容納8個複雜功能，而當中嘅健身記錄功能可以繪製當日嘅時間軸圖，以顯示卡路里、運動分鐘及站立時間等資料，但由於夏令時間令時間快咗1小時，令健身記錄嘅時間軸圖無法正常繪製，繼而陷入無限Reboot狀態，直到手錶無電為止。
Apple目前未有對Apple Watch發布修復更新，而歐洲大部分地區將會喺10月嘅最後一個星期日更換時間，而美國夏令時間轉換為11月4日，所以估計Apple會喺10月底前提供更新解決問題。
| 
发表于 2018-10-9 01:43:42
