【有燶味】iPhone Xs開放預訂 大機iReserve半個鐘先無貨

kingkong10002

         

            

如果今日有參考15:01分「撳iPhone Xs」大作戰嘅讀者都知道，今日以Apple Online Store(AOS)訂機過咗一個鐘都仲係一星期出貨，而市傳最受歡迎嘅512GB版本 金色iPhone Xs Max喺iReserve(預約購買)都要超過半個鐘先無晒貨，可見今年新iPhone唔係太炒得起。預約咗或者喺AOS訂咗嘅朋友仔，一齊睇吓可以點部署。
AOS貨源充足 其實炒賣iPhone就同投資金融產品差唔多，而AOS嘅出貨日期就係反映市場需求嘅重要指標，以過往炒得起iPhone 6為例，AOS開放幾分鐘後，受歡迎型號iPhone出貨日期已經由一星期變兩星期，甚至係四星期。而今次最受歡迎嘅大iPhone Xs Max，去到15:30都仲係一星期出貨，而其他型號更去到一個鐘內都係一星期出貨，可見今次新iPhone貨源充足。
iReserve出現Error 而較為安全嘅iReserve預購方法，開頭半小時有唔少果迷都表示預約臨門一腳出現Error，隨後慢慢就有網民成功預約到購物最受歡迎嘅金色iPhone Xs Max。大概係因為Error嘅原因，令唔少遲嚟嘅人都可以預約到，而筆者嘅朋友就喺15:56成功預約去九龍塘買256GB 金色iPhone Xs Max，不過到16:00所有型號iPhone Xs Max都已經無法預約。
「Cut單」保平安 筆者奉勸各位，如果喺AOS買咗嘅朋友出貨時間超過一星期，咁就最好盡早「Cut單」保平安(除非你自用)，根據經驗只要網頁未顯示「準備出貨中」或「已出貨」仍可以免費取消訂單。而如果經iReserve訂機就安全得多，只要留意返當日(9月21日)炒價先決定去唔去拎機自然「進可攻退可守」，不過炒價浮動，大家都係小心為上！

rocus5

这么贵，都能买两个oneplus 6t了。