週末小清新 台灣攻日文青女孩 姚愛寗

lowerpoly

                     

            

文青每晚都為大家介紹一位性感靚女，中台日韓英美澳加，前凸後兀纖瘦豐滿，真係咩「山珍海錯」都介紹過，恐怕大家都睇得有啲滯，所以今次就為大家清一清「腸胃」，介紹一位超級清新美女，來自台灣嘅Pipi 姚愛寗！
Pipi 於未出道前就已經被日本知名攝影師川島小鳥睇中，拍攝後來拎咗獎嘅寫真集《明星》。2014年拍攝台灣電影《共犯》出道，自此就以清新空靈嘅形象成為台灣新生代偶像，2017年更加成功「反攻」日本，拍攝電影《戀愛奇譚集》。由於曾經同小松菜奈合作，而且二人氣質又有啲相似，所以有「小松菜奈妹妹」之稱，但實際上Pipi比小松菜奈大六歲——可見Pipi嘅童顏程度有幾高！
除咗日本，Pipi近日亦被邀請成為香港背包品牌的最新代言人，照片中嘅佢依舊空靈清新，真係睇到人如沐春風，煩惱邪念一掃而空，今晚大家可以安祥咁瞓覺啦！