Apple回覆美國眾議員 否認iPhone監聽用戶通話

hotdog521

        

            

一向捍衛用戶私隱嘅Apple喺今年7月初，被美國眾議員去信質疑以iPhone竊聽使用者對話，喺長達5頁嘅信件中提及Apple如何收集用戶數據及其用途嘅問題。Apple星期二回覆眾議員，明確表示Apple並無竊聽使用者嘅對話，同時亦都無開放第3方App去竊取對話隱私。
喺7月初，4位美國共和黨眾議員7月初同時向Apple及Google母公司Alphabet去信，詢問有關使用者隱私問題，又質疑兩公司旗下智能電話有竊聽使用者對話嘅嫌疑。其中信件指控iPhone喺未有待機情況下會收集附近嘅語音數據，例如當iPhone偵測到「Hey Siri」嘅情況下會自動啓動電話。
Apple為此向美國眾議院能源及商業委員會主席Greg Walden回覆指，iPhone並無喺等待「Siri」喚醒指令時進行錄音，而「Siri」亦唔會分享用戶嘅對話。Apple指出，佢哋明確要求用戶同意使用Microphone嘅權限，而第3方App喺聽取用戶講話時都必須顯示明確信號，對於違反隱私條款嘅App將會由App Store中下架並封鎖，而平均每星期約有3.6萬個違反規定嘅App被拒絕上架。

rocus5

根本不信。