最性感天氣主播被分手 因為男友要打機！

lowerpoly

   

     

學黃子華話齋，愛情唔係Kill Time，係一份Full Time，所以細個嘅辯論題目唔應該係「中學生應否談戀愛」，而係「一個人應否有兩份工」。而對美國《Call of Duty》職業玩家Douglas "Censor" Martin黎講，個答案好明顯就係「唔應該」，所以近排佢就宣佈會同女友分手，專心爭取好成績。有理想係咪？但當你見到佢女朋友就唔會咁諗架啦！
因為佢女朋友就係世界著名、憑一報天氣時嘅「超S曲線」被稱為「最性感天氣主播」嘅Yanet Garcia。二人於2015年開始約會，2016年頭Douglas仲喺自己嘅Youtube上載片段，指自己能夠同Yanet一齊有如中咗頭獎。但中頭獎似乎係一種負擔，21號佢上載最新嘅Youtube片段，標題就係「我們分手了(WE BROKE UP)」，內容主要係話Yanet係個好女仔，但由於佢要主持節目，所以搬咗去墨西哥；而Douglas自己又要應付《Call of Duty》晚7朝5嘅訓練，結論就係「一日得24個鐘，而我只有時間做必須嘅嘢」，所以就分咗手啦！
為咗打機(OK，電競)、仲要係一隻唔算頂級比賽嘅遊戲而放棄「世界最美主播」，好多人都嘲笑Douglas係個傻仔。而Yanet就喺Twitter指自己好傷心，亦多謝Fans們嘅支持，過咗陣仲用西班牙文發文「千萬不要聽從一輩子也沒過好事的人的意見」，似乎略有所指啦。
嗱作為男人，我哋明白事業係好重要，但為咗事業而放棄Yanet，咁你條事業線一定比起Yanet都仲要深。我自問條事業線就冇咁深啦！

dragondick

第一眼睇落標題，我仲以為佢男朋友要打飛機添!  

abcsucker

好赞呀好赞