05年出世 世上最美少女Kristina Pimenova

lowerpoly

        

            

每個人對於「靚女」嘅定義同標準都唔同，你覺得靚嘅我可能覺得麻麻；我覺得靚嘅你可能覺得碎料，所以當呢個世上有一個女仔靚到能夠被人稱為「完美」，可想而知有幾令人驚艷，如果呢個「完美靚女」只係一個九歲小朋友，就直頭係令人驚訝！
2005年出世，今年13歲嘅俄羅斯少女Kristina Pimenova爸爸係前俄羅斯國腳Ruslan Pimenov，媽媽Glikeriya Shirokova則曾經係一名模特兒，而一出世就好可愛嘅佢本人由3歲開始就已經係個童裝模特兒，7歲已經登上《Vogue》嘅封面；到佢9歲嘅時候，佢嘅一張相被瘋傳於網上，更被評為「全世界最美嘅少女」。時隔四年，13歲嘅Kristina仍然係一個少女，但佢已經慢慢脫離小朋友嘅可愛，慢慢成為一個亭亭玉立嘅美女，亦係現時世界上最年輕嘅「超級模特兒」。
「靚」當然係大家留意到Kristina嘅主要原因，但如果講到令大家愛上佢嘅原因，好可能係即使年少成名，但Kristina依然保持少女嘅童真，甚至仲有參加體操比賽仲拎埋冠軍，感覺就好似一個值得大家愛惜嘅可愛小妹妹。更難得嘅係佢長大咗之後顏值不減，完全冇崩壞嘅跡象，假以時日絕對有機會成為「世界上最靚嘅女生」。我就好期待呢一日啦！