石原又拍拖 又係時候睇靚相自我安慰

lowerpoly

雖然話石原聰美喺香港一直都有人討論，但近日佢同細一年嘅「Showroom」社長前田裕二同遊沖繩，態度親親暱兼有情侶戒指嘅新聞一出，討論度又再瞬間提升。今次識咗新男友除咗側面證實佢同山下智久分手，前田裕二以「IT狗」身份奪得美人芳心亦令人傷心之餘又鼓舞——尤其當你重溫返石原有幾正。
石原由出道起已經係一位美女，一雙豐唇更被視為性感象徵。而2014年於電視劇《失戀巧克力師》飾演貌美溫柔但係工於心計嘅紗繪子，行為做作討厭但又因為外貌搭救令你嬲佢唔落，更從此奠下「小妖精」的形象。另外隨年月過去，石原亦由可愛女生搖身一變成為輕熟女人，連拍劇亦同男拍檔多次傳出緋聞(例如傳聞中同山下智久就係拍《朝5晚9》時日久生情)，Fans們就更加唔在講啦。
正正係因為受到Fans喜愛，所以佢嘅私生活就特別受人注意，加上「前男友」係山下智久，所以今次同前田裕二嘅新戀情份外觸目。但點都好啦，最緊要係石原BB開心啫，我哋做Fans嘅開唔開心又有咩所謂呀…我哋識照顧自己架啦…