下一個佐佐木希？九頭身纖瘦水著女星 田中めい

lowerpoly

男人睇女人，外表上嘅其中最主要一環就係身型，而大部份男人應該都比較鍾意上圍豐滿嘅女仔。不過如果你有睇過我哋之前一篇關於「女性胸部對男人的意義」嘅文章，你就應該知道越「富有」嘅男人就越偏向鍾意胸部較少嘅女性——換言之如果你非常富有，咁你就應該好鍾意呢位田中めい啦！
田中めい係上年出道嘅日本水著女星，喺上年呢個時候其實佢仲係一個普通大學生，直到7月於原宿被星探發掘先正式入行，10月尾就已經發行第一隻寫真DVD。雖然めい真係堪稱「胸無四兩肉」，但佢身高165cm，加上個頭得黃豆咁大粒，拼湊出極完美嘅九頭身比例，盈盈一握嘅纖腰以及白滑無瑕嘅長腿一樣殺死大家唔少細胞。尤其最新推出嘅(第二隻)寫真DVD封面上嘅賽車女郎泳衣裝扮，睇圖都Feel到個高叉勒埋黎呀！